Dinosaurioen desagerpenari buruzko hitzaldia hartuko du gaur Algorri Interpretazio Zentroak
2013-05-28
Ekainaren 9ra bitartean Europar Geoparkeen Astea ari da burutzen Euskal Kostaldeko Geoparkean. Helburu nagusia bertako ondare natural, geologiko eta kulturala herritarrei gerturatzea da.
Gaur, maiatzak 28, 19:00etan, hitzaldi interesgarria izango da Zumaiako Algorri Interpretazio Zentroan, Jose Antonio Arz Zaragozako Unibertsitateko irakasle eta ikertzailearen eskutik.
“Zumaiatik Mexikora: dinosaurioen desagerpenaren gakoak” izenburupean, Arz irakasleak meteorito erraldoiaren talka frogatzen duten probak erakutsiko dizkigu mundu guztiko azaleramenduetan zehar. Dinosauruen desagerpena era ulergarri batean ezagutzeko aukera paregabea izango da.
None
