Geoparkeko bira
Geoparkeko Bira Euskal Kostaldeko Geoparkea hiru etapetan zeharkatzen duen 54 kilometrotako ibilbide zirkularra da. Ezagutu Unescoren Munduko Geoparke hau inoiz ahaztuko ez dituzun itsaslabarren, mendien, bailaren eta herrien artean hedatzen diren bidezidorretatik oinez ibiliz. (Eskuorria deskargatu)
Etapa guztietan garraio publikoa dago, baita logistika- eta ostatu-azpiegitura egokia ere ibilbidean zehar dauden establezimendu-aniztasunari esker.
Ostatuen erreserba eta zerbitzu gehigarriak
Geoparkeko Bira egiteko neurrira egindako plan bat prestatzea nahi baduzu ostatuen erreserba edo zerbitzu gehigarriekin; egin klik "Erreserba eskaera" botoian. Bete formularioa eta zurekin harremanetan jarriko gara bidaia antolatzeko.
⚠ Zerbitzu hau ez dago eskuragarri goi-denboraldiko bidaietarako.
Mapa eta trackak
Jaitsi ibilbideko mapa eta trackak, eta jarraitu QRetatik trazatutako ibilbidea, bidean zehar jarritako seinaleztapen bertikalaren plaketan aurkituko duzuna.
