Asier Hilario geologoaren hitzaldia bihar Zumaian
2013-06-03
Geoparkearen Astearen baitan, Asier Hilario geologoak eta Geoparkeko Zuzendari Zientifikoak bertako interesgune geologikoei buruzko hitzaldia eskainiko du bihar, ekainak 4, Zumaian. Hitzordua Algorri Interpretazio Zentroan izango da, 19:00etan.
Ezinbesteko hitzordua izango da Geoparkeko interesgune geologikoak ezagutu nahi dituzten guztientzat. Hitzaldiaren edukia dibulgatiboa izango da, publiko zabalari zuzenduta.
Ekainaren 9ra bitartean iraungo du Europar Geoparkeen Asteak geurean. Helburu nagusia bertako ondare natural, geologiko eta kulturala herritarrei gerturatzea da.
None
