Arduraz jokatu, zentzuz etorri eta gozatu Euskal Kostaldeko Geoparkeaz

Urtean zehar Geoparkeak milaka bisitari erakartzen ditu. Jende ugari etortzen da ibilbideak egitera, kostaldeko itsaslabarretako geologia ezagutzera, edo marearteko ekosistema aberatsak mirestera, besteak beste.  

Hori horrela, eta gerturatzen diren pertsonen hainbat portaera desegoki hobetzeko helburuarekin, sentsibilizazio kanpaina bat jarri du martxan Euskal Kostaldeko Geoparkeak, DanobatGroupen laguntzarekin.

Zenbait tokitan zaborrak eta bestelako hondakinak pilatzen dira, txakurrak solte ibiltzen dira ganaduaren tokietan, baserrietako larreak zapaltzen dira bideetatik kanpo ibiltzeagatik edota fosil eta arrokak desagertzen dira, besteak beste.

Geoparkeak, DanobatGroupen laguntzarekin, gure ingurua balioan jartzen duen bideo bat sortu du jarrera hauek zuzentzeko eta ingurumenarekiko eta landa eremuarekiko errespetu mezua jendeari helarazteko. 

Naturaren oreka hauskorra da gure lurraldean.

Landa eremua eta tradizioak errespetatu.

Ez utzi arrastorik.

Arduraz jokatu.

Zentzuz etorri.

Ongi etorri Euskal Kostaldeko UNESCOren Munduko Geoparkera!