Geoparkeen asteko marrazki lehiaketako sariak banatu ditu Geoparkeak
2019-05-27
Ondokoak izan dira sarituak: Marina Aceña (Luzaro Ikastetxea, Deba), Lola Bayo (Zumaiena Ikastetxea, Zumaia), Eneko Lopez (Samiela Ikastetxea, Mutriku) eta Anuk Romanelli (Oikiako eskola, Zumaia).
"Espeleologoa naiz" marrazki lehiaketako sariak banatu zituen Geoparkeak joan den ostiralean, maiatzaren 24a, Zumaiako Oxford aretoan.
Beste urte batez, Zumaiako, Debako eta Mutrikuko 6 eta 12 urte bitarteko gaztetxoek bikain erantzun diote Geoparkearen deialdiari eta, guztira, 762 marrazki aurkeztu dituzte.
Sari nagusia Debako Luzaro ikastetxeko ikasle MARINA ACEÑAk eskuratu du: Pozalaguako kobazulora bisita gidatua eta gau bateko ostatuta, berarentzat eta guraso eta anai-arrebentzat.
Gainerako saridunak, ziklo bakoitzean, ondokoak izan dira:
• LH1 - LH2 kategorian: LOLA BAYO, Zumaiena Ikastetxea, Zumaia.
• LH3 - LH4 kategorian: ENEKO LOPEZ, Samiela Ikastetxea, Mutriku.
• LH5 - LH6 kategorian: ANUK ROMANELLI. Oikiako Eskola, Zumaia.
